O repouso, a inmobilización, e os tratamentos eminentemente pasivos están obsoletos, son totalmente innecesarios na meirande parte dos casos e atan ao doente a acudir a consulta de forma periódica. Necesitamos corpos funcionais, que teñan a capacidade de adaptarse ás esixencias do día a día, a nivel laboral, familiar ou de ocio.
Por iso, sempre orientamos unha gran parte dos tratamentos ao movemento e ao fortalecemento, adaptandoo de forma individalizada ás capacidades da cada persoa, á súa patoloxía, aos obxectivos que marquemos na sesión de valoración e á prevención, tanto de posibles secuelas, como de outras problemáticas, como de recaídas das xa existentes.

Todas e todos podemos facer exercicio terapéutico, sin excepcións, só temos que saber cómo, cal, con que intensidade e con que adaptacións. E para iso estou aquí. En calqueira franxa de idade, cunha base postural, respiratoria, de control abdominal e perineal, de maneira que aprendamos e fagamos terapia mediante o exercicio de forma controlada e adaptada.